Tout advient qui advenir doit/qui est destiné : Tout avient quanqu'avenir doit. (Mir. abbeesse, 1340, 81). Agamenon, Gregois et leur armée, Destruirent tout ; mais a leur revenir Perirent tuit, po de gent exceptée : Toudis advient ce qui doit advenir. (DESCH., Oeuvres Q., t.6, c.1370-1407, 89). Or nous dist uns proverbe qui est vray que chu qui doit avenir jà ne puet trespasseir. (JEAN D'OUTREM., Myr. histors B.B., t.2, a.1400, 118). Les choses qui doivent avenir, convient qu'elles adviennent (Ponthus Sidoine C., c.1400, 131). Sy vousavertis que je suis Zephir, qui suis moult doulant de la mort Estonné, mais avenir convient ce qui est ordonné. Sy vueil bien que vous sachiez que jamais ne vendrez a chief de vostre intencion se tant ne faittes quePasselion le jeune enfant, a qui je ne fauldray aucunement, soit en personne a ce siege (Percef. IV, R., c.1450 [c.1340], 235). [Les Sarrazins surprennent les troupes de Jourdain qui font le siège devant un site] Quant oïrent [ceux du guet] paiiens enviers yaux aprochier, Celle part sont tournez ; mieux leur venist lessier, Mais chou qu'avenir doit ne puet on despicier, Chou avient qui doit estre. (Jourd. Blaye alex. M., a.1455, 550).

Rem. Morawski 997 : La chose qui être doit ne peut être qu'elle ne soit ; Hassell 31, A32.

Les grands vents font les clochers torts "Les grands vents font osciller, pencher les clochers" : Petiz bas lieux sont trop moins a doubter ; Car tant n'y a dangers ne desconforts Ne telz perilz comme de soy bouter Es haulz clochers que les granz vens font tors. Maintes gens sont par trop hault monter mors (DESCH., Oeuvres Q., t.6, c.1370-1407, 9).

Bon compagnon a trop sur lui à dire : Princes, par Dieu, c'est un bien grant despit D'ainsi vouloir son compaignon mesdire : Si vous suppli qu'a tous soit contredit Que bons compains a trop sur lui a dire. (DESCH., Oeuvres Q., t.6, c.1370-1407, 115).

Qui légier croit, c'est grande folie : [La grenouille promet à la petite souris de lui faire traverser la rivière] La rayne lors, qui ne pensa qu'a honte, La souriette a liée de fis ["fils", pour l'attacher à son pied] ; En fleuve entra, la se plunge et affonde Pour la noier ; mais uns escoufles vis Les happa : la fut leur biere ; Barat toudis les barateurs conchie, Ces deux destruit faintis en douce chiere : Qui legier croit, certes c'est grant folie. (DESCH., Oeuvres Q., t.2, c.1370-1407, 88). Princes, chascun doit en soy regarder Se ce qu'il oit est vray, possible et cler, Et s'estre puet selon raison notoire, Ains qu'il doye son cuer determiner A croire faulx, ou trop fait a blamer : C'est grant peril de legierement croire. (DESCH., Oeuvres Q., t.6, c.1370-1407, 48).

Rem. Cf. aussi Morawski 982 : Ge ne croy pas ce que je oy dire, mais ce que je voy.

Il n'est si grande eau qu'on ne puisse épuiser : ...Nulz n'y pescha [dans un riche lac], fors le seigneur, toudis A plaine eaue, sanz rompre le rivage. Estat moien en tenoit comme saige Sanz le vouloir par excès effruitier, Pour ce qu'il n'est tresor qui par oultraige N'eaue si grant ne se puist espuisier. (DESCH., Oeuvres Q., t.6, c.1370-1407, 7). ...il n'est si grant yaue c'on ne puist[,] espuchier, Ne il n'a si fort homme dechi à Montpellier Qu'en une hoeure de jour ne se puist bien blechier (Enfances Doon de Mayence P., c.1450-1500, 420).

Rem. Hassell 108, F19 ; latin : Nimia familiaritas parit contemptum ; DI STEF. 328b, familiarité.

Qui fille a n'est pas à repos : Je ne croy par mon jugement Qu'il soit plus grant merencolie, Sanz nul du corps et sanz tourment, Que d'omme qui fille marie En estat de chevalerie, De clerc, de bourgois ou de lay ; Par ma fille bien aprins l'ay Qui m'a rugié jusques aux os. Pour ve a ceuls qui fille ont diray : Qui fille a n'est pas a repos. (DESCH., Oeuvres Q., t.6, c.1370-1407, 79).

Rem. DI STEF. 350c, fille.

C'est tout néant des choses de ce monde/de cette vie : ...puis leur mort [de Charlemagne, d'Alexandre] tout fut cas comme un voirre Et divisé ; ainsi fault que tout fonde Des biens mondains, foulz est qui pour eulx erre : C'est tout neant des choses de ce monde (DESCH., Oeuvres Q., t.6, c.1370-1407, 40). LE CHARTREUX. Je suis au monde pieça mort, Par quoy de vivre ay moings envie ; Ja soit que tout homme craint mort Puis que la char est assouvie. Plaise a Dieu que l'ame ravie Soit ès cielx apres mon trespas ! C'est tout neant de ceste vie ; Tel est huy qui demain n'est pas. (Danse macabre C., 1485, 29).

Chaque oiseau trouve son nid beau : La nature de tous oiseaulx Garde sa fourme et sa franchise, Car a chascun est ses niz beaux, Sans le changier par convoitise ; A chascun son estat souffise (DESCH., Oeuvres Q., t.6, c.1370-1407, 15). ...il ne convient Point blasmer le lieu dont on vient ; Le proverbe dit des oiseaulx : A chascun ses nis luy est beaulx. (LE FÈVRE, Leesce V.H., c.1380-1387, 95).

Rem. Morawski 16, A chascun oisel son ni li est bel ; Hassell 176, N19 ; DI STEF. 582a, nid.

Il faut prendre le temps comme il est/comme il vient : - Au jour d'ui n'est ne feste ne revel Fors que procès, guerre, plait et turment ; Haine voy regnertrop durement, A convoitier est tout le monde prest. - Que fera l'en ? - Je te respons briefment : Il fault prandre le temps si comme il est (DESCH., Oeuvres Q., t.1, c.1370-1407, 145). Prangne chascun le temps tel qu'il vendra, Pour chastier n'en sera moins ne plus, Car voluntiers l'un de l'autre prandra Les biens mondains, pour soy mettreau dessus, Estat avoir, mettre son voisin jus (...) : L'en ne craint Dieu, Paradis ne Enfer. (DESCH., Oeuvres Q., t.6, c.1370-1407, 220). ISAAC. Ainsi comme le temps viendra Prendre le fault ; c'est une foiz. REBECQUE. Tel qu'il viendra il le prendra ; Mais il fault vivre toutesfoix. (Myst. Viel test. R., t.2, c.1450, 108).

Rem. Morawski 1463 : Len doit prendre le temps comme Dieu l'envoye ; Hassell 236, T24 ; DI STEF. 827b, temps.